Një person është ndaluar nga Policia e Kosovës në Gjilan, nën dyshimet për përfshirje në disa raste të vjedhjeve të rënda.
Sipas njoftimit zyrtar, arrestimi është realizuar pas zhvillimit të hetimeve lidhur me disa incidente të ndodhura në rrugën “Raif Halimi”, në orët e hershme të mëngjesit të 25 janarit.
I dyshuari, shtetas i Kosovës, është intervistuar nga autoritetet dhe më pas, me urdhër të prokurorit kompetent, është dërguar në mbajtje.
Hetimet lidhur me rastin janë duke vazhduar.
“Pas një pune hetimore është arrestuar i dyshuari kosovar i cili dyshohet se kishte qenë i përfshirë në disa raste të vjedhjeve. I dyshuari pas intervistimit me vendim të prokurorit është dërguar në mbajtje”, thuhet në njoftim. /teve1.info/
