Manipulimi me votat kandidatëve për deputetë, të përfshirëve mund t’u kushtojë atyre me vendime rigoroze nga sistemi i drejtësisë.
Kodi Penal i Republikës së Kosovës, njohësit juridik tregojnë se parasheh 11 vepra penale për raste të tilla.
“Kodi Penal i Republikës së Kosovës ka parapa 11 vepra kundër të drejtave penale të votimit. Dënimi më i lartë sipas Kodit Penal të Republikës së Kosovës për manipulim të zgjedhjeve ose për vepra penale kundër të drejtave të votimit, është deri në pesë vite burg. Edhe për veprën penale falsifikim i rezultatit të votimit e cila përfshinë një masë të madhe të dyshimeve për personat të cilët flisni, ligji ka parapri tre deri në pesë vite burg për personat zyrtarë, pra për anëtarët e Komisionit Qendror të Zgjedhjeve”, thotë avokati Arbër Jashari.
Jashari kujton se në vitin 2010 ishin ngritur plot 188 aktakuza për manipulime në zgjedhje.
“Pas zgjedhjeve të vitit 2010-të ka ndodhur mobilizimi më i madh i Prokurorisë. Bile në atë kohë ka pasë akoma më shumë raste të proceduara deri më tani, menjëherë pas vitit 2010 kemi pasur 188 aktakuza që i ka ngritur prokuroria. Por dënimet kurrë nuk kanë shkuar në maksimumin e tyre aq sa janë parapa me ligj”.
Disa nga 109 të ndaluarit në Prizren nën dyshimet për përfshirje në manipulim të rezultatit zgjedhor, kanë pranuar që të bashkëpunojnë me prokurorinë.
Në këtë mënyrë, kryeprokurori Petrit Kryeziu tregoi se do të zbardhen shumë gjëra.
