Komuna e Prishtinës u ka bërë thirrje qytetarëve të kenë kujdes pas paralajmërimit të Institutit Hidrometeorologjik të Kosovës, se të dielën pritet të ketë erëra të intensitetit mesatar deri të fortë, të cilat do të jenë më të theksuara në zonat lindore dhe ato kodrinoro-malore.
Shpejtësia e erës në zona kodrinoro-malore: 11–14 m/s (erë e fortë), kurse në zona më të ulëta: 8–11 m/s (erë mesatarisht e fortë)
Udhëzimet nga komuna:
Siguroni ose largoni objektet e lehta në ballkone, oborre apo çati (vazo, reklama, panele të përkohshme).
Tregoni kujdes gjatë qarkullimit në zona me pemë të larta, tabela reklamuese apo objekte ndërtimore.
Shmangni qëndrimin e panevojshëm në hapësira të hapura gjatë intervaleve me erë më të fortë.
Drejtuesit e automjeteve, veçanërisht të mjeteve të larta, të lëvizin me kujdes të shtuar.
Nëse vëreni rrezik potencial (degë të rëna, objekte të lëvizshme, dëmtime), njoftoni shërbimet kompetente.
Në raste emergjente, qytetarët mund të kontaktojnë numrat: 0800 122 44 ose 0800 122 33./teve1.info/
