Ish-ambasadori Sylë Ukshini ka thënë se ka paqartësi sa i përket efekteve të Bordit të Paqes të themeluar nga ShBA, ku pjesë anëtare të enjten u bë edhe Kosova.
Ai ka thënë se është mirë që Kosova është pjesë e saj, por ka thënë se raportet jo të mira të BE-së dhe ShBA-së mund të sjellin komplikime për situatën e Kosovës.
“Mirë që jemi pjesë e këtij procesi, por çfarë do sjellë e ardhmja ka shumë dilema. Ne jemi pjesë e kontinentit evropian, pastaj thyerja për herë të parë që prej vitit 1945 e marrëdhënieve tradicionalisht të mira të BE-së dhe ShBA-së mund të sjellin komplikime edhe për situatën në Kosovë, ka shumë paqartësi”, ka thënë ai në emisionin “Këndi i Deabtit” në Tëvë1.
Ndërsa, Arta Tahiri- Beqa – politologe tha se për Kosovën kjo është e rëndësishme duke marrë parasysh që nuk është pjesë e asnjë organizate ndërkombëtare të sigurisë dhe paqes.
“Është e rëndësishme e aq më pak kur Kosova nuk është pjesë e asnjë mekanizmi ndërkombëtar që ka të bëjë me sigurinë dhe me paqen. Sikur të ishte Kosova e vetme me Trump, do të ishte sukses pavarësisht se kush mund të jenë shtetet të tjera”, tha ajo në Tëvë1.
Kreshnik Çollaku, këshilltar i presidentes së Kosovës, Vjosa Osmani ka thënë pjesëmarrja e Kosovës si anëtare themeluese e Bordit të Paqes të themeluar nga presidenti amerikan, Donald Trump ka një vlerë të shumëfishtë për Kosovën.
