Por, para tij, për ta pritur këtu erdhën figurat kryesore të Partisë Demokratike të Kosovës.
Fillimisht, erdhi kreu i Skenderajt, Fadil Nura, me nënkryetarin, Sami Lushtaku.
Ramës në pritje i doli edhe i biri i Hashim Thacit, Endriti bashkë me xhaxhallarët.
Ndërkohë në verandën e shtëpisë ku u bë edhe ndeja, Rama ua përcolli familjes Thaci, të falat e të birit nga qelia e burgut në Hagë.
“Isha te Hashimi e vizitova, mu dok mirë, jeni të fortë ju, të ka ngjarë ty”, tha Rama teksa ju bashkëbisedoi me babain e Hashmit
Më pas nuk mungoi as shkëmbimi i dhuratave.
Ndërsa familja Thaci, i dhuroi flamurin e UCK-së, drejtor politik i së cilës ishte i biri i tyre.
Pas kësaj, Rama u takua edhe më nënën e ish-presidentit, Hyrë Thacin.
Edhe kësaj, ia përcolli fjalët që ajo donte t’i dëgjonte.
Pas 30 minutash qëndrim, kryeministri shqiptar, u largua nga Buroja e Skenderajt.
Ndërsa për vizitën këtu, nuk u prononcua para gazetarëve.
Kryeministri i Shqipërisë, Edi Ramë më 10 maj të këtij viti kishte vizituar Hashim Thaçin në Hagë.
Ish-udhëheqësi politik i UÇK-së, Hashim Thaçi po mbahet në paraburgim nga Gjykata Speciale. Bashkë më të janë edhe ish-krerë tjerë të UÇK-së, Kadri Veseli, Jakup Krasniqi e Rexhep Selimi.
Kronika e realizuar nga gazetari Fidan Zejnullahu
