Autori: Adea Mustafaj
Po luajnë me top, ndonëse në këtë kohë ato do të duhej të ishin në mësim.
Shkuarjen në shkollë shtatë nxënësve nga lagja Podaj në Koliq të Prishtinës, ua ka pamundësuar ndërprerja e transportit.
Ky problem sipas tyre po zgjatë tash e dy muaj.
Si pasoj, edhe notat e gjysëmvjetorit të parë u kanë mbetur të papërfunduara.
“Për mësime jena mbetë shumë larg, se tash edhe një vjet e kryj. Është e papranushme tash krejt mësimet i kena hup, krejt testet, tash për me msu krejt msimet i kena hup”, u shpreh një nxënëse e klasës së tetë.
“Nuk jom shumë e nder mirë për shkak që nuk po shkojm në shkollë. Mu më mungojnë shkolla, shokët, shoqet edhe mësimi.”, ka thënë nxënësaj e klasës së gjashtë.
Për situatën e krijuar, prindërit janë mjaft të shqetësuar.
“Që dy muj ditë nuk është duke i bajt hiq. E kanë ndërpre. Na me i qu nuk po mujna. Spo di çfarë zgjedhje me bo. Jena anku në komunë, në ministri. S’kem lon derë pa trokit s’ka kurgjo.”, u shpreh një prind.
“Ju kishim lut komunës se na jemë qytetarë të qiti vendi. Edhe me të drejtë kushtetuse, edhe me ligj. Nuk ka ligj në botë që dy muj ditë, shtatë nxënës janë mbet pa shkollë. Kjo është katastof. Unë nuk e di qysh e nin vetën ata.” , ka thënë edhe një prind tjetër
Përkundër këtyre deklarimeve të banorëve, drejtori i Arsimit në Prishtinë, thotë se ky problem tashmë është zgjidhur.
“Jo nuk kan pas një periudh kaq të gjatë. Fatmirësisht na kemi pas një periudh rreth një muaj që nuk ka funksionu, pastaj kemi kalu në pushimin dimëror në fund të dhjetorit. Dhe e njejta është ristartu me nënshkrimin e kontratave menjëherë në janar.”, u shpreh drejtori i Arsimit në Prishtinë.
Televizioni ka kontaktuar përsëri gjatë pasdites një nga prindërit në lagjen Podaj në Koliq, i cili sërish ritheksoi se problemi nuk është zgjidhur.
Sipas arsyetimit të komunës së Prishtinës, i gjithë problemi ka nisur pas bllokimit të buxhetit, që kishte ndodhur në fund të vitit të kaluar, e cila ua pamundësoj lidhjen e kontratave me operatorë.
