Futbollistët e Senegalit kanë triumfuar në Kupën e Kombeve të Afrikës pasi në finale mposhtën Marokun, që ishte vend organizator i këtij edicioni.
Në finalen e luajtur në Rabbat të dielën mbrëma, Senegali triumfoi me rezultatin 1:0 dhe atë pas dy vazhdimeve nga 15-të minuta.
Koha e rregullt e takimit përfundoi 0:0, por drama e vërtetë ndodhi në minutat shtesë kur futbollistët e Senegalit e lëshuan fushën për shkak të penalltisë të dhënë në favor të Marokut.
Mes shumë diskutimeve e fjalosjeve, futbollistët u kthyen në fushë por Maroku e humbi mundësinë për të mos e dërguar ndeshjen në vazhdime.
Brahim Diaz dështoi nga pika e bardhë për ta dërguar ndeshjen në vazhdime, ku Senegali arriti të shënojë fitore.
Golin e vetëm në këtë finale, e shënoi Pape Gueye duke realizuar në fillim të vazhdimit të parë, saktësisht minutën e katërt.
Për Senegalin, kjo është hera e dytë që triumfon në Kupën e Afrikës, garë të cilën e ka fituar edhe në vitin 2021.
