Një burrë ka raportuar në Polici se është sulmuar fizikisht nga një person i panjohur në Prishtinë.
Sipas Policisë së Kosovës, rasti ka ndodhur më 17 janar 2026, rreth orës 15:01, në rrugën “Janina”.
Viktima, mashkull kosovar, ka marrë trajtim mjekësor pas sulmit, ndërsa njësitë policore kanë nisur hetimet dhe janë duke punuar për identifikimin e të dyshuarit.
Rasti është cilësuar si “lëndim i lehtë trupor” dhe mbetet nën hetime.
