Kryetari i Aleancës për Ardhmërinë e Kosovës Ramush Haradinaj, ka bërë homazhe në 44 – vjetorin e rënies së Jusuf e Bardhosh Gërvalla dhe Kadri Zekës.
Ai ka thënë se vëllezërit Jusuf e Bardhosh Gërvalla dhe Kadri Zeka ishin veprimtarë të hershëm të lëvizjes sonë kombëtare për liri dhe pavarësi.
“Në Dubovik të Deçanit, në 44-vjetorin e rënies së tyre, bëmë homazhe në nderim të sakrificës dhe heroizmit të tyre. Guximi dhe aktivizimi i hershëm në lëvizjet për liri ishin burim frymëzimi për të mos u ndalur në rrugën drejt lirisë, e cila u kurorëzua me luftën e Ushtrisë Çlirimtare të Kosovës. Lavdi të rënëve për liri në të gjitha etapat e historisë sonë të lavdishme”, ka shkruar Haradinaj.
