Gjykimi ndaj krerëve të UÇK-së po shkon drejt fundit.
Deklaratat përmbyllëse të palëve që do të mbahen nga data 9 deri më 13 shkurt, si dhe nga 16 deri më 18 shkurt është caktuar që 8 orë të shfrytëzohen nga Prokuroria.
Ndërkaq, 3 orë për mbrojtjen e viktimave, si dhe nga 4 orë e gjysmë për secilin ekip mbrojtës të të akuzuarve.
Avokati Florim Shefqeti thotë se marrë parasysh gjithë procesin, nuk është arritur të ndërtohet dyshim i bazuar që ata të shpallen fajtor.
Edhe Amer Alija nga Fondi për të drejtën humanitare thotë se në këtë fazë, te akuzuarit kanë një kohë më të limituar.
Ai flet edhe për kohën kur mund të përfundojë ky proces.
Seanca e caktuar më 11 shkurt, është rezervuar për deklaratën përmbyllëse të mbrojtjes së Thaçit dhe të një pjese të deklaratës së mbrojtjes së Veselit.
Kurse, 12 shkurt, mbrojtja e Veselit do të përfundojë paraqitjen e deklaratës së vet përmbyllëse, dhe mbrojtja e Selimit do të fillojë me deklaratën e vet e cila do të përfundojë më 13 shkurt.
E dita e hënë (16 shkurt), është rezervuar për përfundimin e deklaratës përmbyllëse të mbrojtjes së Krasniqit dhe pyetjet e trupit gjykues, nëse do të ketë.
