Edon Zhegrova po kalon momente jo të mira te Juventusi, pak minuta dhe pak besueshmëri.
Megjithatë, nuk është ashtu sipas gazetarit, Romeo Agresti.
Ai tregon situatën mes futbollistit kosovar dhe “Zonjës së vjetër”.
Agresti thotë se Juventusi po i jep kohë Zhegrovës që të rikthehet 100 për qind nga lëndimi i tij dhe minutat 15/20 janë të mjaftueshme.
“Juventusi po i jep përparësi rikuperimit të gjendjes fizike të Edon Zhegrovës. Kohë e lojës është ende 15 deri 20 minuta, por cilësia e tij teknike konsiderohet thelbësore. Klubi kërkon durim përpara se t’i rrisë minutat e tij”, ka thënë gazetari i afërt me klubin italian
Kujtojmë se Zhegrova po paraqitet në disa ndeshje me Juventusin. Ai ende s’ka shënuar apo asistuar me fanellën e klubit italian.
