Joao Cancelo edhe zyrtarisht është futbollist i Barcelonës, pasi portugezi të mërkurën është prezantuar te skuadra spanjolle.
Në fakt, Cancelo rikthehet pas 18-të muajve te Barcelona, por këtë herë në formë huazimi dhe atë nga Al-Hilali i Arabisë Saudite.
Në njoftimin e Barcelonës, thuhet se Cancelo 31-vjeçar, është huazuar deri në fund të sezonit nga ekipi saudit, por pa opsionin e blerjes në verë.
Mbrojtësi i krahut, në verën e vitit 2024 u transferua te Al-Hilali nga Barcelona dhe me fanellën e ekipit saudit, me të cilin ka kontratë deri në vitin 2027, ka regjistruar 45 paraqitje në total.
Cancelo gjatë sezonit 2023/24 regjistroi 42 paraqitje për Barcelonën, ku shënoi 4 gola e bëri 5 asistime kurse gjatë karrierës ka luajtur edhe për Bayern Munchenin, Manchester Cityn, Juventusin, Interin, Valencian e Benfican.
