Autori: Adea Mustafaj
Zilja e shkollës nuk u dëgjua këtë të hënë në shkollën fillore “Mihail Grameno”.
Edhe ambientet e shkollës, të hënën ishin të zbrazëta.
Këtu të hënën, nuk u panë nxënësit.
Kjo pasi Drejtoria e Arsimit në Fushë Kosovë, mori vendim që mësimi të shtyhet edhe për një javë.
Krejt kjo si pasojë e vërshimeve që së fundmi goditën vendin.
“Në disa objektet shkollore, oborret kanë qenë të mbuluara me ujë. Nuk ka fshat, nuk ka lagje të përmbytura ku rruga prej shtëpis në shkollë dhe anasjelltas nuk është e sigurt për fëmijët kështu që e kemi pa të arsyshme të shtym procesin mësimor për të pakten një javë duke shpresuar që do të stabilizohet gjendja me motin dhe çdo gjë do të jetë në rregull për me fillu procesin edukativ-arsimor”, ka thënë drejtori i Arsimit në Fushë Kosovë.
E gjendje më e rënduar u pa të hënën në shkollën fillore “Lismiri”
Kjo meqë uji përveç oborrit, arriti të depërtonte edhe në sallën e sportit.
Për këtë, vendim të duhur shtyrjen e procesit mësimor, po e vlerëson drejtori i kësaj shkolle, Uran Tërnava.
“Ka qenë e nevojshme sidomos në fshatin Lismir për shkak të pranisë së madhe të ujit. Daljes nga shtratit të lumit Sitnica e cila ka pamundësu kalimin e këmbësorëve në dy rrugët e fshatit. Rrjedhimisht procesi mësimor edhe nëse do të fillonte, prezenca e fëmijëve do të ishte shumë e vogël”, ka thënë Tërnava.
Në ndihmë shkollës, i dolën edhe banorët e Lismirit.
“Dëmtime le ta quajm kështu kemi një pjesë të oborrit kogja të konsiderushme, një pjesë të sallës së sportit, mirëpo besoj që do të rregullohet. Një e vacant e shkollës sonë është që kemi një bashkpunim të jashtzakonshëm me banorët e fshatit. Bashkë me ta kemi arrit që me i kriju dy kanale në oborrin e shkollës që uji mos me kalu në pjesen qendrore të objektit të shkollës”, ka thënë tutje Tërnava.
Njëjtë më Fushë Kosovë, vepruan edhe Drenasi dhe Malisheva.
