Të hënën nuk do të ketë rifilim të mësimit as në Komunën e Drenasit.
Sipas njoftimit të kësaj komunë kjo është bërë për shkak të rrethanave të krijuara nga kushtet atmosferike
“Për shkak të rrethanave të krijuara nga vërshimet, bora, ngricat dhe mungesa e ujit të pijes në disa pjesë të komunës, Kryetari i Komunës së Drenasit ka marrë vendim që të pezullohet vijimi i mësimit në të gjitha nivelet e arsimit parashkollor dhe shkollor. Procesi mësimor shtyhet deri të mërkurën, më 14.01.2026. Ky vendim është marrë me qëllim të ruajtjes së sigurisë së nxënësve, mësimdhënësve dhe stafit arsimor”, thuhet në njoftim.
Komuna e Drenasit ka qenë ndër komunat më të prekura nga vërshimet.
Mësimi nuk do të nis të hënën as në Malishevë e Fushë – Kosovë.
