Nga muaji korrik, qytetarët që shpenzojnë mbi 800 kilovatë rrymë, do të paguajnë më shtrenjtë.
Kjo pasi Gjykata Supreme, i rrëzoi vendimet e Themelores dhe Apelit, të cilat i pezullonin tarifat e reja nga Zyra e Rregullatorit të Energjisë.
E këtë vendim, nuk po e mirëpresin qytetarët e Kosovës.
Mirëpo, ka edhe prej tyre, që kjo formë iu duket e drejtë.
Në anën tjetër, këtë vendim po e kundërshtojnë edhe Partia Demokratike e Kosovë, e cila kishte ushtruar padi ndaj ZRrE-së.
Ferat Shala thotë se është e habitshme se si dy nivelet e shkallës gjyqësore të kthehet në dëm të qytetarëve.
E PDK-ja gjatë ditës ka njoftuar se tani do ta dërgojë këtë vendim për interpretim në Gjykatën Kushtetuese të Kosovës.
“Tashmë, i autorizuar nga PDK-ja, unë kam filluar procesin e shqyrtimit të këtij vendimi dhe të njëjtin do ta dërgoj në Gjykatën Kushtetuese brenda dy javëve të ardhshme.”, ka përfunduar Faton Fetahu.
Në anën tjetër, Gzim Shala nga Instituti i Kosovës për Drejtësi, thotë se gjatë monitorimeve kanë parë që shpesh gjykatat ndryshojnë qëndrime.
Sipas Shalës, këto qëndrime janë të pabazuara në ligj.
Sipas arsyetimit të Supremes, dy shkallët më të ulëta të gjyqësorit nuk adresonin dëmin konkret që do të vinte përmes shtrenjtimit të rrymës.
Raporti i gazetares Fetije Kamberi.
