Amerikani me pasaportë të Kosovës, Scott Bamforth ka debutuar në mënyrën më të mirë të mundshme te Golden Eagle Ylli.
Në ndeshjen e parë çerekfinale të Kupës së Kosovës në basketboll, Bamforth realizoi 29 pikë, 3 kërcime e po aq asistime në fitoren e Yllit ndaj Trepçës.
Të mërkurën mbrëma, Ylli triumfoi në Mitrovicë ndaj Trepçës me shifrat 102:99.
Me këtë fitore, Ylli është në përparësi ndaj Trepçës për kualifikim në gjysmëfinale, përpara ndeshjes së kthimit që luhet në Suharekë.
Ylli fitoi dy çerekët e fundit, të tretin (32:26) dhe të katërtin (23:22) për ta siguruar fitoren.
Trepç ishte në epërsi pas dy çerekëve të parë 31:41, por që nuk arriti ta mbajë deri në fund.
Krahas Bamforthit, te Ylli u dallua edhe Antwan Scott me 28 pikë, 3 kërcime e 4 asistime kurse te Trepça u veçua Shawn Jones me 24 pikë e 10 kërcime.
