Sulmuesi i Kombëtares së Kosovës, Fisnik Asllani është shndërruar në objektivin kryesor të Barcelonës dhe Bayern Munchenit.
Të dyja skuadrat e mëdha të Evropës, po synojnë transferimin e Asllanit për sezonin e ardhshëm, ndonëse po thuhet se Barcelona është në avantazh ndaj Bayernit për shërbimet e tij.
Asllani po vlerësohet ndër sulmuesit më premtues të Bundesligës, ndërsa ka tërhequr interesimin edhe skuadrave tjera, por Barcelona e Bayerni mbeten favoritë.
23-vjeçari është pjesë e Hoffenheimit dhe në sezonin e tij të parë në elitën e futbollit gjerman, ka shënuar 6 gola dhe ka bërë 2 asistime në 15 ndeshje deri më tani.
Ai ka kontratë me Hoffenheimin deri në verën e vitit 2029, ndërsa si Barcelona ashtu edhe Bayerni duhet të paguajnë të paktën 30 milionë euro për të siguruar shërbimet e tij.
