Skuadra e Juventusit po e shikon me kujdes të veçantë situatën e portierit të Sassuolos, Arijanet Muriq.
Në fakt, drejtuesit e ekipit të madh nga Italia, janë duke monitoruar nga afër dy lojtarë të Sassuolos, portierin e Kosovës, Muriq dhe mbrojtësin boshnjak Tarik Muharemoviq.
Sipas gazetës “Tuttosport”, portieri Muriq ka tërhequr vëmendjen e Juventusit me paraqitjet e mira që i ka treguar këtë sezon në Serie A me Sassuolon.
Gardiani i Kosovës po vlerësohet për paraqitjet e tij në kampionat dhe është i padiskutueshëm në portën e Sassulos.
27-vjeçari është i huazuar për një vit te Sassuolo nga Ipsëich Toëni, ekip me të cilin portieri Muriq ka kontratë deri në verën e vitit 2028.
Në të vërtetë, Muriq sot në mbrëmje ka rastin të dëshmohet para drejtuesve të Juventusit, pasi Sassuolo prej orës 20:45 përballet me “Zonjën e Vjetër”.
Muriq deri më tani, ka bërë 17 paraqitje me fanellën e Sassuolos në elitën e futbollit italian.
