“Për AAK-në është jashtëzakonisht e rëndësishme që Qeveria të reflektoj seriozisht në propozimet tona që i kemi japë në secilën seancë dhe në kërkesat minimale të shoqatave të veteranëve në raport me përcaktimin e pagës minimale”, tha Tahiri.
Tutje Tahiri kërkoi nga Qeveria që të mos prodhoj kriza, por të ofroj zgjidhje e që sipas tij debati me shoqatat e veteranëve dhe me palët është i rëndësishëm për të ofruar zgjidhje dhe për ta zhbllokuar Kuvendin e Kosovës.
“Ne kërkojmë nga Qeveria që të mos prodhoj kriza po të ofron zgjidhje,vazhdimi i debatit dhe i disktuimveve përmbajtësor me shoqatat e veteranëve dhe me palët është jashtëzakonisht e rëndësishme për të krijuar zgjidhje dhe njëkohësisht për të zhbllokuar Kuvendin e Kosovës”, tha Tahiri.
Sipas tij nëse Qeveria e Kosovë nuk do të propozoj marrëveshje do të ketë demokim të Kunvendit, teksa ka shtuar se kjo gjë nuk i duhet Kosovës, shkruan teve1.info
“Në qoftëse nuk ka një zgjidhje dhe nuk propozojnë një marrëveshje nga Qeveria e Kosovës realisht do të kemi demokim të Kuvendit, kjo nuk i duhet Kosovës”, theksoi ai.
Tahiri njoftoi që si grup parlamentar kanë propozuar dy amandamente, e që sipas tij janë të nevojshme për dalje nga kriza.
“AAK, ka deponuar 2 amandamente në Kuvendin e Kosovës; Që deri në kategorizimin përfundimtar të veteranëve, pensioni i veteranit të jetë i barazvlefshëm me pagen minimale; Ne gjithashtu kerkojmë që paga minimale të jete më e lartë se kjo që e ka propozuar Qeveria, për shkak se shuma prej 260 euro nuk është ekuivalente siç ka qenë para dy viteve për shkak të rritjes së inflacionit”, tha ai.
Shefi i Grupit Parlamentar të AAK-së e ka cilësuar Qeverinë e Kosovës si të ngadalshme, duke thënë se Kosovës nuk i duhet krizë por zgjidhje.
“Nuk i duhet Kosovës krizë, i duhet zgjidhje, këto zgjidhje kjo Qeveri që është shumë e ngadalshme e cila realisht në secilën situatë në secilin ballafaqim ka propozu krizë duhet të kthehet dhe të marr vendime”, shtoi ai./teve1.info
