Pas Joshko Gvardiolit, skuadrës së Manchester Cityt i është dëmtuar edhe qendërmbrojtësi tjetër, Ruben Dias.
Lëndimin e portugezit Dias, e ka konfirmuar trajneri i Manchester Cityt, Pep Guardiola që tashmë është në telashe të mëdha për shkak të mungesës së dy shtyllave të ekipit në mbrojtje.
Gvardiol do ti nënshtrohet operimit dhe nuk dihet se kur do të jetë i gatshëm për lojë, ndërsa Dias do të qëndrojë jashtë fushës të paktën për gjashtë javë.
Duke pasur parasysh mungesën e gjatë të Gvardiolit dhe Diasit, trajneri i Cityt ka paralajmëruar se do të intervenojë në afatin kalimtar të dimrit.
Edhe pse nuk ka përmendur ndonjë emër, mediumet angleze kanë raportuar se City po synon transferimin e mbrojtësit të Crystal Palacet, Marc Guehi.
Manchester City, aktualisht renditet në pozitën e dytë në tabelë me 42 pikë, gjashtë më pak se Arsenali që është lider në Premier League pas 20 xhirove të luajtura.
Duelin e radhës në kampionat, skuadra e Cityt e luan të mërkurën mbrëma ku në “Etihad Stadium” e pret Brightonin.
