Një anëtar i familjes së Anthony Joshua ka deklaruar se ish-kampioni i peshave të rënda është gati të tërhiqet nga boksi, pas tragjedisë së ndodhur javën e kaluar në Nigeri.
Joshua i mbijetoi një aksidenti fatal rrugor, ku humbën jetën dy persona të afërt me të, Sina Ghami dhe Latif “Latz” Ayodele. 36-vjeçari pësoi vetëm lëndime të lehta, por ngjarja ka lënë gjurmë të thella emocionale.
Xhaxhai i tij, Adedamola Joshua, ka konfirmuar për mediat nigeriane se vendimi për t’u larguar nga boksi i është komunikuar familjes.
Sipas tij, largimi i Joshua-s nga ringut është një lehtësim për familjen, për shkak të ngarkesës emocionale që shoqëronte çdo ndeshje të tij.
Joshua ende nuk ka folur publikisht për të ardhmen e tij, ndërsa promotori Eddie Hearn dhe Matchroom Boxing nuk kanë dhënë detaje shtesë.
Një përballje e shumëpritur me Tyson Fury, që ishte diskutuar prej vitesh, tashmë duket gjithnjë e më pak e mundshme.
