Futbollisti i Kombëtares së Shqipërisë, Ernest Muçi me të përfunduar sezoni aktual do të kthehet te Beshiktashi, ekip me të cilin ka kontratë valide deri në vitin 2027.
Te Trabzonspori kanë vendosur që mos ta shfrytëzojnë opsionin e blerjes së Muçit pasi Beshiktashi për kartonin e tij po kërkon 10 milionë euro.
Muçi u huazua te Trabzonspori për një vit dhe te kjo skuadër shpërtheu me 7 gola e dy asistime në 13 paraqitje kampionale.
Madje, te Trabzonspori ishin të gatshëm ta bënin Muçin transferim të përhershëm, por çmimi prej 10 milionë eurosh ka bërë që klubi të tërhiqet, duke pasur parasysh se veçse ka paguar 1 milion euro për huazimin e tij.
Ishte vet trajneri i Trabzonsporit, Fatih Tekke që ka pranuar se Muçi i pëlqen shumë por opsioni i blerjes së tij prej 10 milionë eurosh nuk mund të realizohet.
