Zyra për Media e Qeverisë ka njoftuar se ka kërkuar bashkëpunim me OVL UÇK-në për përmirësimin e mirëqenies së veteranëve të UÇK-së.
“U ritheksua përkushtimi i Qeverisë së Republikës së Kosovës për thellimin e bashkëpunimit me Organizatën e Veteranëve të Luftës së Ushtrisë Çlirimtare të Kosovës, me qëllim të përmirësimit të mirëqenies së veteranëve të UÇK-së”, thuhet në njoftim.
Tutje në njoftim thuhet se në këtë takim është biseduar edhe për çështjen e pastrimit të listave, shkruan teve1.info
“U bisedua edhe për çështjen e pastrimit të listave dhe mundësitë e bashkëpunimit në këtë aspekt, si dhe tema të tjera të rëndësishme lidhur me statusin dhe gjendjen e veteranëve të luftës çlirimtare të Ushtrisë Çlirimtare të Kosovës”, thuhet në njoftim.
Në këtë takim të përbashkët të pranishëm ishin edhe Ministri i Financave, Punës dhe Transfereve, Hekuran Murati, këshilltari i Kryeministrit për Çështje të Kategorive të Dala nga Lufta e Ushtrisë Çlirimtare të Kosovës, Aziz Bici dhe Kryetari i Komisionit Parlamentar për Buxhet, Punë dhe Transfere, Armend Muja.
Ndryshe, Përfaqësuesit e Organizatës së Veteranëve të UÇK-së nuk kanë arritur që të pajtohen me kryeministrin e Kosovës, Albin Kurti lidhur me kërkesën e tyre për përfshirje në Ligjin për pagën minimale.
https://teve1.info/lajmet/klinaku-pas-takimit-me-kurtin-nuk-u-dakorduam-do-vazhdojme-protestat-tona/