Qendra Kombëtare për Menaxhim Kufitar ka publikuar të dhënat e fundit mbi gjendjen në pikat e kalimit kufitar, ku rezulton se pika kufitare e Merdarës aktualisht ka fluksin më të madh të automjeteve në dalje nga Kosova.
Sipas përditësimit të fundit, pritjet në dalje në Merdarë arrijnë deri në 30 minuta, ndërsa kolona e automjeteve shtrihet deri në 600 metra, duke e bërë këtë pikë kalimi më të ngarkuarën për momentin.
Ndërkohë, në pikat e tjera kufitare si Bërnjaku, Dheu i Bardhë, Glloboçica, Hani i Elezit, Jarinja, Kulla, Muçibaba, Mutivoda, Qafë e Morinës, Qafë e Prushit, Stançiq dhe Vërmica, fluksi i automjeteve në dalje mbetet i ulët.
Në këto pika, pritjet për dalje variojnë nga 3 deri në 5 minuta dhe nuk raportohet për kolona të theksuara automjetesh.
Sa i përket qarkullimit të kamionëve, autoritetet bëjnë të ditur se nuk ka pritje apo kolona të konsiderueshme në dalje në asnjë pikë kufitare.
