Mesfushori i Shqipërisë, Juljan Shehu mund të largohet gjatë këtij muaji nga Widzew Lodzi, por me kusht që ekipi nga Polonia merr ofertë prej dy milionë eurosh.
Pra, te Lodzi po kërkojnë hiq më pak se dy milionë euro për ta lënë të lirë Shehun, i cili me ngulm po kërkohet nga Panathinaikosi i Greqisë.
Te Panathinaikosi, po e shohin Shehun si përforcim të duhur për mesfushën dhe për këtë arsye po insistojnë në transferimin e 27-vjeçarit.
Shehu këtë sezon ka 5 gola e 4 asistime në 20 ndeshje të luajtura për ekipin polak, të cilit iu bashkua në vitin 2022 nga Laçi.
Ai ka kontratë me Widzew Lodzin deri në vitin 2028, ndërsa po kërkohet edhe në Spanjë e Turqi.
