Sulmuesi Albion Rrahmani i realizoi 22 gola dhe dhuroi katër asistime në 66 ndeshje të luajtura me fanellën e Spartës së Pragës, skuadrës që shpenzoi 5 milionë euro për transferimin nga Rapidi i Bukureshtit në vitin 2024.
Rrahmani, sipas raportimeve të mediave ndërkombëtare, kërkohej nga Lyoni, West Ham Unitedi dhe Girona.
Transferimin në njërën prej top-pesë ligave evropiane, Rrahmani e kishte bërë me dije edhe pas fitores 2:1 me Spartën ndaj Universitatea Craiovas në Ligën e Konferencës.
Megjithatë, në Spanjë të shtunën kanë raportuar se Girona ka hequr dorë nga transferimi i reprezentuesit të Kosovës.
Çmimi i tij në faqen “transfermarkt” është 7.5 milionë euro.
25-vjeçari me Kosovën ka luajtur në 21 ndeshje, ndërsa ka shënuar gjashtë gola.
