Largimi i Meriton Korenicës nga skuadra e Clujit duket i pashmangshëm gjatë këtij muaji.
Megjithatë, duket se Korenica ka gjasa të zhvendoset në SHBA, pasi te skuadra rumune kanë konfirmuar interesimin e ekipit nga MLS, DC United për mesfushorin e Kosovës.
Madje, thuhet se DC United është i gatshëm të ofrojë deri në 4 milionë euro për kartonin e Korenicës, i cili po kërkohet edhe nga Apollon Limassoli i Qipros.
Te Cluji janë të gatshëm ta shesin Korenicës për shkak gjendjes së vështirë financiare dhe gjithçka mund të zyrtarizohet brenda një kohe të shkurtër.
Korenica është njëri prej lojtarëve më të mirë te Cluji këtë sezon, ndërsa është pjesë e këtij ekipi prej vitit 2024 dhe ka kontratë deri në qershorin e vitit 2027.
29-vjeçari ka shënuar 6 gola dhe ka bërë 7 asistime në 29 ndeshje të luajtura në të gjitha garat deri më tani për Clujin këtë sezon.
