Në Akademinë Përkujtimore kushtuar jetës dhe veprës së ish-kryetarit të Kuvendit të Kosovës, Nexhat Daci, presidentja e Kosovës, Vjosa Osmani shprehu ngushëllimet e saj më të thella me rastin e ndarjes së tij nga jeta.
Gjatë fjalës së saj, Osmani theksoi se Daci do të mbetet i kujtuar si një burrështetas, dijetar dhe intelektual i përkushtuar, duke vlerësuar kontributin e tij të çmuar në jetën institucionale dhe akademike të vendit.
“Jemi mbledhur për të ia thënë lamtumirën akademik Nexhat Dacit, burrështetas, dijetar dhe intelektual i përkushtuar. Me dije të thellë, integritet personal dhe përkushtim të palëkundur ai i shërbeu Kosovës si kryetar Kuvendi, ushtrues detyre i Presidentit, deputet, akademik dhe drejtues i institucioneve shkencore, duke lënë gjurmë të pashlyeshme në ndërtimin e institucioneve demokratike dhe në zhvillimin e mendimit shkencor në vendin tonë”, u shpreh e para e vendit./teve1.info/
