Prishtina largon tre futbollistë

Kanë filluar largimet e para nga skuadra e Prishtinës.

Klubi nga kryeqyteti të hënën është ndarë me tre futbollistë. Prishtina ka njoftuar se me marrëveshje të dyanshme ka përfunduar bashkëpunimin me mesfushorin Gentrit Salihu, me futbollistin portugez Luis Mota dhe me mbrojtësin Ardi Ajdini.

22-vjeçari Mota iu bashkua në verë Prishtinës, por nuk e ka zhvilluar asnjë ndeshje.

Ndërsa Salihu ishte pjesë e Prishtinës për një edicion e gjysmë. Ka regjistruar gjithsej 35 paraqitje zyrtare.

Ndërkohë Ajdini iu bashkua Prishtinës në vitin 2022.