Mbrojtësi i krahut të majtë, Mario Mitaj nuk do të largohet nga Arabia Saudite, saktësisht skuadra e Al-Ittihadit.
Drejtuesit e klubit saudit kanë hedhur poshtë lajmin për shitjen e Mitajt gjatë afatit kalimtar të janarit, duke e quajtur spekulim.
Tek Al-Ittihadi kanë insistuar se Mitaj është i rëndësishëm për ekipin dhe se nuk janë në negociata me asnjë skuadër për shitjen e tij.
Mitaj para një viti u transferua në Arabinë Saudite për 4 milionë euro dhe me Al-Ittihadin ka kontratë deri në verën e vitit 2028.
Ai tashmë ka fituar titullin e kampionit dhe Kupën e Mbretit në Arabinë Saudite, ndërsa këtë sezon ka shënuar 1 gol dhe ka bërë 2 asistime në 16 ndeshje të luajtura.
