Komisioni Qendror i Zgjedhjeve (KQZ) ka njoftuar se procesi i votimit ka përfunduar në 25 përfaqësi diplomatike të Kosovës, përfshirë vende si Gjermani, Zvicër, Francë, Britani e Madhe, Itali dhe Suedi.
Votimi në 4 përfaqësi të tjera, që ndodhen në Shtetet e Bashkuara të Amerikës dhe Kanada, pritet të mbyllet në orën 01:00 sipas kohës lokale në Kosovë. Nga 19,187 votues të regjistruar në këto përfaqësi, kanë marrë pjesë 81.29% ose 15,597 votues.
KQZ ka bërë të ditur se fletëvotimet nga përfaqësitë diplomatike nuk do të numërohen në vend, por do të dërgohen në Kosovë dhe numërimi i tyre do të bëhet në vend.
Komisioni ka theksuar rëndësinë e respektimit të procedurave ligjore dhe rregullave zgjedhore për procesin e votimit në ditën e zgjedhjeve në Kosovë.
“Në përgjithësi, nga komunikimi i vazhdueshëm, procesi i votimit është zhvilluar pa ndonjë pengesë. Në emër të KQZ-së, falënderojmë shefat dhe stafin e misioneve diplomatike dhe anëtarët e Këshillave të Vendvotimit për angazhimin e tyre gjatë ditës së sotme”, theksoi ai.
