Ka vdekur në QKUK i aksidentuari në Fushë – Kosovë më 22 dhjetor.
Lajmi është bërë i ditur nga Policia e Kosovës.
Aksidenti kishte ndodhur në rrugën ‘Shefki Kuleta’ në Fushë Kosovë, ku ishin të përfshirë një automjet dhe një këmbësor.
“Aksidenti ka ndodhur më 22 dhjetor në rrugën ‘Shefki Kuleta’ në Fushë Kosovë, ku ishin të përfshirë një automjet dhe një këmbësor. Në aksident lëndime trupore ka pësuar këmbësori (mashkull), i cili ka qenë duke u trajtuar në QKUK, nga ku sot jemi njoftuar se i njëjti ka vdekur”, ka njoftuar Policia.
Rasti është duke u hetuar nga Njësiti i Trafikut Rajonal në Prishtinë.
