Vendimi i Kylian Mbappe për të qëndruar tek PSG e zuri në shok gjithë botën e futbollit, pasi që të gjithë mendonin se ai do të nënshkruante me Real Madridin.
Megjithatë, francezi nënshkroi kontratë tri vjeçare me parisienët. Presidenti i Realit, Florentino Perez e ka komentuar vendimin e sulmuesit duke thënë se ai nuk e dëshiron ‘këtë’ Mbappe.
“Ky Mbappe nuk është ai që doja unë. Por, nësë ai ndryshon…. Jeta mund të marr drejtime të ndryshme. Mendoj se ata e konfuzuan atë dhe ai është shumë i ri. I uroj atij gjithë të mirat, nuk dua asgjë të keqe për të. Un thjesht besoj në ëndrrën”, u shpreh Perez.
Mbappe më parë kishte thënë se idolli i tij është Cristiano Ronaldo dhe fansat madrilenë prisnin se ai do të vazhdonte atë që kishte lënë portugezi në Santiago Bernabeu.
