Mbrojtësi Ardian Ismajli është lider i Torinos, ekip që po bën gara në Serie A të Italisë.
Që nga rikthimi i tij nga fushë pas lëndimit, skuadra e Torinos ka regjistruar dy fitore rresht në kampionat, të fundit ndaj Sassuolos, ku Ismajli pati një paraqitje tjetër të mirë.
Ismajli ka qenë gjithmonë në fushë në 6 fitoret e këtij sezoni të Torinos, pesë në kampionat dhe një tjetër në Kupën e Italisë, duke ndikuar direkt në rezultatet pozitive.
Ndërkohë, në katër ndeshje pa Ismajlin në fushë, Torino ka pësuar katër humbje kurse mbrojtësi i Shqipërisë deri më tani ka regjistruar 10 paraqitje në kampionat.
Ai te Torino u transferua para fillimit të këtij sezoni si lojtar i lirë, pasi kontrata i skadoi me skuadrën e Empolit.
