Një person është plagosur me armë zjarri në Ferizaj të dielën.
Policia ka bërë të ditur se i plagosuri është dërguar për tretman mjekësor në QKUK.
I dyshuari i cili është i njohur për policinë është në kërkim.
“Një mashkull kosovar ka mbetur i plagosur pasi në drejtim të tij dyshohet se ka shtënë me armë i dyshuari mashkull kosovar. Në vendin e ngjarjes janë gjetur dhe sekuestruar 3 gëzhoja. Viktima është dërguar për trajtim mjekësor në QKUK, ndërsa i dyshuari (i njohur për policinë) është në kërkim policor. Lidhur me rastin është njoftuar prokurori, i cili ka urdhëruar fillimin e hetimeve”, thuhet në raportin 24-orësh.
Një rast plagosje me armë zjarri ka ndodhur edhe në Gjakovë. Ndaj të plagosurit disa persona kanë shtënë me armë zjarri të cilin e kanë qëlluar në këmbë.
“Një mashkull kosovar ka mbetur i plagosur në këmbë pasi që dyshohet se në drejtim të tij kanë shtënë me armë zjarri persona të panjohur. Viktima është dërguar për trajtim mjekësor. Në vendin e ngjarjes përveç njësive policore ka dalë edhe prokurori. Të dyshuarit pasi kanë kryer veprën janë larguar në drejtim të panjohur. Rasti në procedure hetimore”, thuhet nga policia.
