Është arrestuar një i dyshuar për rastin e zjarrvënës së një autoambulance në Qendrës së Mjekësisë Familjare në fshatin Ratkoc të Rahovecit.
Arrestimi i tij është konfirmuar nga Policia e Kosovës.
Arrestimi i të dyshuarit H.H është bërë rreth orës 18:50.
Ai është arrestuar në një zonë malore, në afërsi të pikës kufitare “Qafë Prush”.
“Si rezultat i hetimeve në vendin e ngjarjes dhe provave të siguruara, është identifikuar një person i dyshuar, i cili për motive ende të panjohura dyshohet se i ka vënë flakën autoambulancës. Më vonë, falë veprimeve operative të zyrtarëve policorë nga Stacioni Policor në Gjakovë, rreth orës 18:50, i dyshuari me inicialet H.H., mashkull i moshës madhore, është arrestuar. Gjatë arrestimit, i dyshuari ka tentuar t’u ikë zyrtarëve policorë, por është ndaluar pas një ndjekjeje në një zonë malore, në afërsi të pikës kufitare “Qafë Prush”. Me vendim të Prokurorit të Shtetit, ai është dërguar në mbajtje për procedura të mëtejme ligjore. Policia e Kosovës mbetet e përkushtuar në zbardhjen e plotë të rasteve penale dhe në garantimin e rendit dhe sigurisë publike”, ka njoftuar zëdhënësi i Policisë për rajonin e Gjakovës, Sheremet Elezaj.
Digjet autoambulanca, dëmtohet edhe objekti i QMF-së në Rahovec
