Ish-deputeti Visar Korencia, ka thënë se bashkimi me PDK-në është bërë për shkak se kanë marrë zotime nga PDK dhe kandidati për kryeministër Bedri Hamza për të mbrojtur vlerat që ata përfaqësojnë.
Korenica, i cili bashkë me Eman Rrhmanin në zgjedhjet e shkurtit ishin në listën e “Koalicionit për Familjen”, ka thënë se nuk do të lejojnë që në Kuvend të vijnë ligje që cenojnë familjen.
“Në këtë rast duke parë që në LVV nuk kishte hapësirë për me mbrojt për atë në çka kemi qëndrua, bëhet fjalë pë familjen dhe rrezikimin e saj sa i përket ligjeve në Kuvend i kemi bashkërendua forcat me PDK, duke e parë që janë të hapur, por edhe të vendosur që bashkërisht me i mbrojt ato vlera dhe mos të lejojmë që në një të ardhme të afërt të vijnë në Kuvend, ligjet që cenojnë familjen apo agjenda të ndryshme të cilat drejtpërdrejt ndikojnë në prishjen e moralit dhe jo në forcimin e tij”, ka thënë ai në emisionin “Këndi i Debatit” në Tëvë1.
Korencia ka thënë se para se të bashkohen me PDK-në kanë pasur diskutime edhe me LDK-në që sipas tij edhe LDK ka qenë e gatshme për bashkëpunim, ndërsa që LVV nuk ka lëvziaur nga qëndrimet e tyre.
“Këto kanë qenë kushte për bashkëpunim midis nesh deputeteve të dalë prej Listës për Familjen dhe Partinë Demokratike të Kosovës, ata i kanë pranuar të gjitha kërkesat tona. Edhe LDK ka qenë e gatshme, LVV-së i kemi dërgua kushtet tona nuk ka pas kthim mbrapa. PDK-ja të gjithë marrëveshjen e ka pranuar në fakt ne e kemi draftu dhe asnjë prejse nuk është shtuar nga PDK dhe na është bë e qartë se kjo parti është e gatshme me i përqafu kërkesat tona. Asnjë një nismë ligjore nuk do të vije në Kuvend për të cenuar familjen tonë”, ka thënë Korenica.
Korenica dhe Rrahmani kanë qenë deputet të LVV-së, ndërsa largimi i tyre ndodhi për shkak të dallimeve për Kodin Civil.
