Arb Manaj është futbollisti më i mirë i vitit 2025 në Kosovë.
Manaj është pjesë e Dritës me të cilën skuadër ka fituar titullin e kampionit. Manaj është shquar me gola të shënuar.
Më i miri është zgjedhur me votat e gazetarëve të sportit.
Është zbuluar formacioni më i mirë i Superligës për vitin 2025. Formacioni më i mirë është zgjedhur me votat e trajnerëve të Superligës.
Formacioni përbëhet nga: Faton Maloku portier (Drita), Besnik Krasniqi mbrojtës i djathtë (Drita), Egzon Bejtullai qendërmbrojtës (Drita), Bajram Jashanica qendërmbrojtës (Ballkani), Arlind Veliu mbrojtës i majtë (Malisheva), Arjanit Hasani mesfushor (Llapi), Albert Dabiqaj mesfushor (Drita), Etnik Brruti mesfushor (Malisheva), Walid Hamidi mesfushor (Ballkani), Sunday Adetunji sulmues (Ballkani), Arb Manaj sulmues (Drita).
Kapiteni i Kosovës, Amir Rrahmani është fitues i çmimit “Fadil Vokrri”, që i ndahet lojtarit më të mirë të Kombëtares.
Rrahmani ka fituar titullin e kampionit në Serie A me Napolin. Federata e Futbollit të Kosovës të dielën i ka shpallur më të mirët e vitit.
Zekirija Ramadani është trajneri më i mirë i vitit 2025 në futbollin kosovar.
Ramadani e ka drejtuar Dritën drejt titullit të kampionit dhe në kampanjën historike në Ligën e Konferencës.
Ashtu si pritej, Drita e Gjilanit është shpallur klubi më i mirë i vitit 2025 në futbollin kosovar. Drita e ka fituar titullin e kampionit, ndërsa e kaloi me sukses edhe fazën e ligës në “Conference League”.
Drita ka fituar edhe çmim për klubin më korrekt.
Alban Shala është shpallur gjyqtari më i mirë i futbollit për vitin 2025 në Kosovë.
Ai ka drejtuar 17 ndeshje në Superligë dhe kishte notën më të lartë.
Ndërkohë çmim për arritje ndërkombëtare iu nda gjyqtares së futsalit, Florentina Kallaba.
Valentin Serebe i Ballkanit është golashënuesi më i mirë i vitit në futbollin kosovar. Serebe i ka shënuar 15 gola. Serebe është nga Bregu i Fildishtë.
