Me fillimin e ardhjes së mërgimtarëve në Kosovë, është vërejtur rritje e ndjeshme e pritjeve në pikat kufitare të Kosovës.
Sipas të dhënave të Qendrës Kombëtare për Menaxhim Kufitar, në pikëkalimin kufitar të Merdarës, pritjet për hyrje në Kosovë arrijnë deri në 1 orë, ndërsa për dalje nga ky kufi deri në 40 minuta.
Pritjet më të gjata raportohen në Jarinjë, ku për të hyrë në Kosovë qytetarët po presin deri në 2 orë, ndërsa për dalje pritjet variojnë nga 10 deri në 15 minuta.
Kolona janë regjistruar edhe në pikëkalimin te Dheu i Bardhë, ku mërgimtarët po presin deri në 50 minuta për t’u rikthyer në atdhe./teve1.info/
