Kryetari i Bashkimit Demokratik për Integrim, Ali Ahmeti, ka shprehur mbështetjen e tij duke marrë pjesë në protestën e thirrur nga Organizata e Veteranëve të Luftës së Ushtrisë Çlirimtare të Kosovës (OVL-UÇK), në përkrahje të ish-krerëve të UÇK-së që po përballen me procesin gjyqësor në Hagë.
Ai theksoi se lufta e UÇK-së ka qenë e drejtë dhe çlirimtare, duke shtuar se mbështetja për ish-krerët e saj është një obligim moral dhe kombëtar.
I pyetur për mospjesmarrjen në protestë të kryeministrit në detyrë të Kosovës, Albin Kurti dhe kryeministrit të Shqipërisë, Edi Rama, ai theksoi se është në vullnetin e tyre.
“Ky është një kërkim i pafajësisë në solidaritet me çlirimtarët, duke e ngritur zërin për ata që po akuzohen për vepra të pabëra. Mos pjesëmarrja e Edi Ramës dhe Albin Kurtit në protestë është vullnetare”, ka deklaruar Ahmeti.
