I riu 18-vjeçar, Yll Hiseni, është gjetur pa shenja jete nga ekipi i Shoqatës së Kosovës për Kërkim-Shpëtim, pasi ishte raportuar i zhdukur që nga mesnata e së martës.
Lajmin e ka konfirmuar nënkryetari i shoqatës, Mentor Maloku.
“Fatkeqësisht, e kemi gjetur trupin. Ai është gjetur i vdekur në fshatin Brod”, ka deklaruar Maloku në një postim në Facebook.
Ndërsa, lajmin për vdekjen e tij e ka konfirmuar edhe Policia e Kosovës, duke bërë të ditur se i riu është gjetur i vdekur rreth 1 kilometër larg shtëpisë së tij, në një livadh.
“Sot më 11.12.2025 rreh orës 13:20 është gjetur, rreth 1 kilometër larg shtëpisë së tij, në një livadh, pa shenja jete. Vdekja e të cilit është konstatuar nga mjekët e Qendrës së Mjekësisë Familjare në Shtërpcë”, kanë thënë nga Policia. /teve1.info/
