Misioni paqeruajtës i NATO-s në Kosovë, KFOR, bëri të ditur se në një ceremoni zyrtare, Departamentit të Zjarrfikësve të Komunës së Prishtinës i janë dhuruar pajisje zjarrfikëse
Sipas njoftimit, donacioni i KFOR-it rrit aftësinë e zjarrfikësve për t’iu përgjigjur shpejt dhe në mënyrë efektive emergjencave, duke përmirësuar sigurinë e tyre gjatë operacioneve të vështira dhe duke mbrojtur njerëzit që jetojnë në mbarë Kosovën.
Në përputhje me mandatin e KFOR-it, aktivitetet e CIMIC thuhet se synojnë të promovojnë mirëqenien e të gjithë njerëzve në Kosovë duke mbështetur institucionet lokale.
“KFOR vazhdon të zbatojë mandatin e tij – bazuar në Rezolutën 1244 të Këshillit të Sigurimit të Kombeve të Bashkuara të vitit 1999 – për të kontribuar në një mjedis të sigurt dhe të qëndrueshëm për të gjithë njerëzit dhe komunitetet që jetojnë në Kosovë, si dhe lirinë e lëvizjes, në çdo kohë dhe paanshmërisht. KFOR punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në rolet e tyre përkatëse si përgjigjës të sigurisë”, theksohet në njoftim./teve1.info/
