Të mërkurën u planifikua të nis gjyqi për rastin e rezervave shtetërore.
I pari që u paraqit në gjykatore ishte i akuzuari, Hafiz Gara.
Në orën 09:30 nisi seanca në Gjykatën Themelore, por në sallë nuk u pa e akuzuara, Rozerta Hajdari, ministre në detyrë e Industrisë, Ndërmarrësisë dhe Tregtisë.
Poashtu prezent nuk ishte as avokati Feim Malaj, që përfaqëson Irfan Lipovicën.
Teksa, në sallë me vonesë erdhi i akuzuari tjetër, biznesmeni Ridvan Muharremi e avokati Mahmut Halimi.
Gjyqtari, tha që gjykata i ka dërguar ftesë ministres përmes postës.
“E akuzuara Rozeta Hajdari nuk prezanton, për të cilin gjykata i ka dërguar ftesën përmes postës, mirëpo deri më sot nuk kemi marr ndonjë përgjigje se e njëjta a është pranuar në mënyrë të rregullt apo jo”, tha gjyqtari, Avni Syla.
Kurse, më tej u tregua edhe arsyeja e mungesës së avokatit të Lipovicës.
“Ka njoftuar gjykatën se nuk mund të prezantoj në seancën e sotme pasi qe paraprakisht ka marr një ftese nga Gjykata Themelore e Pejës. Ne si gjykate pas marrjes se këtij njoftimi i kemi dërguar edhe një emali zyrtar duke kërkuar qe i njëjti të gjeje një avokat zëvendësues, mirëpo i njëjti prapë e ka njoftuar gjykatën se ka bere përpjekje për te gjetur një avokat zëvendësues mirëpo për këtë nuk ka marr pëlqimin nga i akuzuari Irfan Lipovica”, tha Syla.
Përveç tyre prezentë nuk ishin as nga Avokatura Shtetërore ani pse, gjykatësi tha që kanë pranuar ftesën.
“Ka dëshmi se e kanë pranuar ftesën për seancën e sotme, gjithashtu te njëjti nëpërmjet një parashtrese dërguar gjykatës kanë njoftuat se lidhur me ketë çështje kanë iniciuar padi në Gjykatën Komerciale në Prishtinë, dhe kanë konfirmuar se do të jenë prezent në seancën e shqyrtim gjyqësor”, u shpreh gjyqtari.
E kështu në mungesë të të akuzuarve seanca e paraparë që të mbahej të mërkurën dështoi.
“Në mungesë të kushteve ligjore konkretisht në mungesë të akuzuarës Rozeta Hajdari dhe mbrojtësit të akuzuarit Irfan Lipovica, Feim Malaj, séance e sotme e shqyrtimit fillestar nuk ka kushte të mbahet”, njoftoi gjyqtari.
Pasi, seanca dështoi, në rrjetin social facebook ka reaguar ministrja në detyrë Rozeta Hajdari ka reaguar duke thënë se nuk ka pranuar ftesë për seancën e së mërkurës.
“Për seancën e sotme gjyqësore, lidhur me çështjen e rezervave shtetërore të mallrave, ju njoftoj se, unë nuk kam pranuar ndonjë thirrje për seancë nga ana e Gjykatës! Në momentin që e pranojë thirrjen nga Gjykata, për seancën e ardhshme, do të paraqitem në seancë gjyqësore!”, deklaroi ajo.
Por, nga Gjykata Themelore kanë mohuar një gjë të tillë.
Në një përgjigje për Tëvë1, nga kjo gjykatë kanë thënë se ftesa Ministres në detyrë i është dërguar më 19 nëntor përmes postës.
Prokuroria Speciale kishte ngritur aktakuzë më 11 nëntor ndaj Ministres Rozeta Hajdari, Irfan Lipovicës, Hafiz Garës dhe Ridvan Muharremit, lidhur me skandalin e rezervës shtetërore.
Tre të parët akuzohen për veprën penale“Keqpërdorimi i pozitës apo autoritetit zyrtar” dhe “Zbulimi i fshehtësisë zyrtare”, ndërsa Muharremi për veprën “Ndihma në kryerjen e veprës penale të keqpërdorimit të pozitës apo autoritetit zyrtar”.
Ndërsa , seanca e radhës për këtë rast do të mbahet më 13 janar në ora 09:30.
