Futbollisti i Kombëtares së Kosovës, Lindon Emërllahu, pritet të largohet nga Cluji i Rumanisë gjatë afatit kalimtar të janarit.
Gazetari, Pavel Pablo, raporton se skuadra ukrainase, Plissya ka arritur marrëveshje personale me futbollistin.
Skuadra nga Ukraina pritet t’i paguajë plotë 1.5 milionë euro për shërbimet e lojtarit kosovar. Kurse skuadra e Clujit pritet t’i mbajë 10 për qind të kartonit.
Në rast se ndodh ky transferim me këtë shifër, përfiton edhe skuadra kosovar, Ballkani – e cila ka 20 për qind të kartonit.
Pra, Ballkani i Suharekës merr rreth 300 mijë euro nga transferimi i Emërllahut te Polissya.
Polissya Zhytomyr është në pozitën e tretë në Premier Leaguen e Ukrainës, me 27 pikë në 15 ndeshje.
