Edon Zhegrova, më në fund do të jetë startues te skuadra e Juventusit.
Luciano Spalletti do ta aktivizojë Zhegrovës prej minutës së parë kundër ekipit Pafos në Ligën e Kampionëve.
Inkuadrimin e Zhegrovës prej fillimit, e ka konfirmuar edhe trajneri Spalletti në konferencën për shtyp.
Kjo do të jetë hera e parë që Zhegrova do të jetë startues te Juventusi, ekip të cilit iu bashkua në verë nga Lille.
“Diçka do të ndryshojë, Zhegrova do të startojë. Javën e kaluar ai mungoi në stërvitje. Nëse bëjmë teste, rezulton se nuk është në formë të plotë, dhe ky është një argument i dyfishtë. Ose i jep 20 minuta deri në gjysmë ore, ose e përdor për aq sa mundet. Këtë herë do të provoj këtë; djali po stërvitet mirë dhe e meriton. Problemi i vetëm është se testet na tregojnë këtë”, ka thënë Spalletti.
Ndeshja Juventus – Pafos, luhet të mërkurën nga ora 21:00 në Torino, dhe i takon xhiros së gjashtë të Championsit.
