Kreu i PDK-së dhe kandidati për kryeministër, Bedri Hamza, ka pritur sot në selinë e partisë kryetarin e Drenasit, Ramiz Lladrovci.
Hamza ka bërë të ditur se në takim është diskutuar mobilizimi për zgjedhjet e 28 dhjetorit, me fokus të veçantë në rritjen e përkrahjes së votuesve në Komunën e Drenasit.
Sipas tij, PDK në këtë komunë është e konsoliduar dhe e përgatitur për procesin zgjedhor.
“Sot në zyre prita mikun tim, kryetarin Ramiz Lladrovci. Bashkë biseduam për mobilizimin e plotë për zgjedhjet e 28 dhjetorit dhe angazhimin për të maksimizuar votën e qytetarëve në Drenas. Ky proces kërkon bashkëpunim të ngushtë, koordinim të vazhdueshëm dhe përgjegjësi nga secili prej nesh. PDK-ja në Drenas është e bashkuar, e organizuar dhe e gatshme për fitore”, ka shkruar Hamza.
