Partia Demokratike e Kosovës ka publikuar listën e kandidatëve për deputetë për zgjedhjet parlamentare të 28 dhjetorit.
Kandidati për kryeministër i kësaj partie, Bedri Hamza, tha se në këtë listë janë mbi 50 kandidatë që garojnë për herë të parë.
“Listë gjithëpërfshirëse, me profesionistë të shumtë. Energji e re me mbi 50 kandidatë që garojnë për herë të parë dhe 37 gra që e forcojnë përfaqësimin. Një përbërje që reflekton përgjegjësi dhe përkushtim ndaj interesit qytetar dhe shtetëror. Jemi bashkë dhe të përkushtuar për ta çuar Kosovën përpara”, ka shkruar Hamza.
Dhjetësha e parë e PDK-së: Bedri Hamza, Uran Ismaili, Vlora Çitaku, Enver Hoxhaj, Arben Mustafa, Besa Kabashi Ramaj, Rrahman Rama, Eman Rrahmani, Sala Jashari dhe Kujtim Gashi
