Kryetari i Prishtinës, Përparim Rama, është pritur në një takim zyrtar nga Kryetari i Staten Island, Vito Fossella, gjatë vizitës së tij në Shtetet e Bashkuara të Amerikës.
Rama u shpreh se pritja nga Mayor Fossella ishte më shumë se një takim miqësor, duke e cilësuar atë si një konfirmim të rëndësisë që partnerët amerikanë i kushtojnë marrëdhënieve me Prishtinën dhe Kosovën.
Në emër të qytetarëve të Prishtinës, Rama i dhuroi kryetarit Fossella figurën e Hyjneshës në Fron dhe revistën Prishtina Art, si simbol i kulturës, trashëgimisë dhe miqësisë mes dy qyteteve.
Kryetari Rama tha se partneriteti me Staten Island është strategjik dhe se takimi u fokusua në praktikat e mira amerikane që mund të përkthehen në projekte konkrete për qytetarët e Prishtinës.
Sipas tij, respekti institucional dhe pritja e ngrohtë që iu bë nga Mayor Fossella janë dëshmi e forcës së miqësisë mes Prishtinës dhe qyteteve amerikane, një aleancë që mbetet tejet e rëndësishme për të ardhmen e kryeqytetit dhe vendit./teve1.info/
