Një 50-vjeçare ka humbur jetën tragjikisht ditën e sotme (4 dhjetor) në Vlorë.
Sipas mediave shqiptare, viktima ka qenë duke ecur në bulevardin “Ismail Qemali” dhe është rrëzuar në tokë, ku si pasojë e goditjes së kokës në një prej bordurave të bulevardit, ka humbur jetën.
Policia ka mbërritur në vendin e ngjarjes dhe ka bërë rrethimin e zonës.
“Sot, rreth orës 11:30, në lagjen “Pavarësia 2”, në bulevard, përballë stadiumit, një shtetase rreth 50 vjeçe dyshohet se si pasojë e erës së fortë, është rrëzuar dhe është përplasur në trotuar, duke ndërruar jetë. Grupi hetimor po punon për sqarimin e plotë të rrethanave të rastit, si dhe për identifikimin e viktimës”, thuhet në njoftim.
