Mesfushori Ardon Jashari rikthehet në fushë pas më shumë se tre muajve dhe ai pritet të jetë startues në ndeshjen që Milani e luan kundër Lazios.
Kjo përballje i takon 1/8 së finales të Kupës së Italisë dhe luhet sot prej orës 21:00 në stadiumin e Romës.
Për Jasharin, kjo do të jetë paraqitja e parë pas një mungese prej 103 ditësh pasi ndeshja e tij e fundit ishte më datën 23 gusht kundër Cremoneses në Serie A.
Kjo është hera e parë që Jashari do të aktivizohet prej minutës së parë te Milani, ekip të cilit iu bashkua në verë për 38 milionë euro dhe ka kontratë deri në vitin 2030.
23-vjeçari ka regjistruar vetëm dy paraqitje me Milanin si rezervist, përpara se të lëndohet në stërvitje dhe të mungojë për më shumë se tre muaj.
